Google ADS

Policia e Kosovës pranoi donacion dy automjete nga Organizata Ndërkombëtare për Migrim

14:55 | 9 Gusht 2023
E.H

Policia e Kosovës ka pranuar donacion dy automjete kombi nga Organizata Ndërkombëtare për Migrim (IOM).

Në njoftim thuhet se donacioni është për Departamentin e Policisë Kufitare në kuadër të Policisë së Kosovës.

Këto vetura do të shërbejnë për trajtimin e migrantëve të parregullt, përcjell Arbresh.info.

“Donacion i pranuar ndihmon rritjen e kapaciteteve të PK-së si dhe bën avancimin e menaxhimit të integruar të kufijve dhe zhvillimin e mekanizmave efikas për mbikëqyrjen e kufirit. Këto vetura do të shërbejnë per trajtimin e migrantëve të pa rregullt nga ana e Policisë Kufitare”, thuhet në njoftim.

Tutje, bëhet e ditur se Policia e Kosovës u është mirënjohëse të gjithë përkrahësve dhe bashkëpunëtorëve të saj, të cilët vazhdimisht kanë mbështetur punën dhe kanë ndihmuar policinë në ngritjen e kapaciteteve të saj, me qëllim të ofrimit të shërbimit sa më efikas për të gjithë qytetarët./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm